ئهڤرۆ نێچیرڤان بارزانی و ئهردۆغان دێ ل ستهنبۆلێ كۆمبن
WAAR-دهۆک:
نێچیرڤان بارزانی سهرۆكوهزیرێن ههرێما كوردستانێ ل توركیایه و بریاره ئهڤرۆ سات چوار، ل ستهنبۆلێ دگهل رهجهب تهیب ئهردۆغان سهرۆككۆمارێ توركیا كۆمببیت.
ل گۆری زانیارییان، نێچیرڤان بارزانی سهرۆكوهزیرێن ههرێما كوردستانێ، بۆ پشكداریكرنێ د كۆربهندێ جڤاتا ئهتلهنتیك یێ گرێدایی ئابوور و تێهنێ دا، ل باژارێ ستهنبۆلێ یه و بریاره د چارچووڤێ سهرهدانا خوهدا، بارزانییێ سهرۆكوهزیر، ئهڤرۆ سات چاری ئێڤاری ل كوچكا یلدز مابهین ل ستهنبۆلێ، دگهل رهجهب تهیب ئهردۆغان سهرۆككۆمارێ توركیا كۆمببیت و پهیوهندییێن سیاسی و ئابۆری یێن ههولێر و ئهنقهره و شهڕێ دژی داعشێ، بۆمبهبارانا توركیا ل شنگالێ، ههروهسا پێڤاژۆیا ئاشتییێ ل باكۆرێ كوردستانێ، دگهل سهروككۆمارێ توركیا گۆتوبێژ بكهت.
زانیاری ئاماژه دكهن كو ئاشتی هاورامی، وهزیرێ سامانێن سرۆشتی یێ حكومهتا ههرێمێ، دێ پشكداری كۆمبوونا نێچیرڤان بارزانی و ئهردۆغانی بیت.
ئهڤه د دهمهكی دایه كو نێچیرڤان بارزانی ل مهها یازده یا سالا بووری، سهرهدانا توركیا كربوو و دگهل سهرۆككۆمار و سهرۆكوهزیر و وهزیرێ دهرڤهیێ وی وهلاتی كۆمببوو و پهیوهندیێن ئابۆری و سیاسی یێن ههرێم و توركیا گۆتوبێژكربوون.
تُتاح هذه الصورة أيضا في: کوردی