ل شوونا ئەرزاقێ نەھاتی وەلاتی دێ ب پارەی ھێنە قەرەبووکرن
ئەڤرۆ نیوز:
وەزارەتا بازرگانی و پێشەسازیا حوکمەتا ھەرێما کوردستانێ راگەھاند، ئەو ئاھێن خوارنێ کو سالا 2016ێ وەلاتیان دگەل پشکا ئاھێن خوارنا نەوەرگرتین دێ پێشڤە ھێنە قەرەبووکرن.
نەوزاد ئەدھەم رێڤەبەرێ گشتی ل وەزارەتا بازرگانی و پێشەسازیا ھەرێمێ بۆ ئێن ئار تی راگەھاند، ب رێکا لیژنەیەکا تایبەت ل وەزارەتێ مژوولی ئامادەکرنا لیست و ھژمارا وان مەھانە کو پشکا خوارنا وەلاتیان د سالا 2016ێ دا نەھاتیە دان و گۆت: پشتی ئامادەکرنێ ئەو لیستە دێ بۆ حوکمەتا عیراقێ ھێتە شاندن و ل گۆر جۆرێ نەھاتنا وان ئاھێن خوارنێ دێ قەرەبوویا وەلاتیان ھێتەکرن.
رێڤەبەرێ گشتی ل وەزارەتا بازرگانی و پێشەسازیا ھەرێمێ ئاماژە ب وێ ئێکێ ژی کر، ھەیا نھا کۆژمێ پارەی نەھاتیە دیارکرن و دگەل گەھشتنا وی پارەی بۆ ھەرێمێ دێ ب سەر وەلاتیان دا ھێتە بەلاڤکرن.
نەوزاد ئەدھەم راگەھاند ژی، ژ کۆما ھاتنا پێنج مادان کو نھا دھێنە دان مادە ھەیە نەھـ مەھان نەھاتیە و مادە ژی ھەیە شەش مەھان نەھاتیە، ژبەر ڤێ چەندێ بۆ کۆژمێ پارە و قەرەبوویا وەلاتیان ئەو لیژنە دێ بریارێ دەت.
تُتاح هذه الصورة أيضا في: کوردی