نوونهرێ حكومهتا ههرێمێ: فرهنسا دژایهتییا ریفراندۆما ههرێمێ ناكهت
WAAR-دهۆک:
نوونهرێ حكومهتا ههرێما كوردستانێ ل فرهنسا راگههاند؛ د سهردهمێ سهرۆكێ نوو دا، فرهنسا دێ ل سهر پشتهڤانییا گهلێ كورد بهردهوامبیت و دژایهتییا ریفراندۆما سهرخوهبوونێ ژی ناكهت.
دكتور عهلی دۆلهمهری نوونهرێ حكومهتا ههرێما كوردستانێ ل فرهنسا د داخویانیهكێ دا گۆت: د سهردهمێ سهرۆكێ نوو ئیمانوێل ماكرۆنی دا، فرهنسا دێ ل سهر پشتهڤانییا گهلێ كورد و هێزێن پێشمهرگهی بهردهوامبیت و ئهو پێشبینی دكهن سهرۆكێ نوو، دۆستایهتییا گهلێ خوه دگهل ههرێما كوردستانێ خورتتربكهت، ژبهركو ماكرۆنی دگهل ئۆلاندی كاركرییه و پترییا ئهندامێن كابینهیا حكومهتا وی ژی، دۆستێن نزیكێن كوردانن.
گۆت ژی: ریفراندۆما سهرخوهبوونێ، بابهتهكێ ناڤخوهیێ ههرێم و ئیراقێ یه و فرهنسا باوهری ب ههلبژارتن و دیمۆكراسیهتێ ههیه و چو جاران دژایهتییا مافێن گهلێ كورد و ریفراندۆما سهرخوهبوونێ ناكهت.
تُتاح هذه الصورة أيضا في: کوردی