WAAR-دهۆك:

بریارە شاندەک ب سەرۆکاتییا ئەیاد عەلاوی ژ بەغدا سەرەدانا ھەولێرێ بکەت، پرسا رێفراندۆمێ ژی د گەل سەرۆکێ ھەرێمێ گۆتوبێژ بکەن.
ئەیدا عەلاوی، جێگرێ سەرۆککۆمارێ ئیراقێ، د گەل عەمار حەکیم، سەرۆکێ ھەڤپەیمانییا نشتیمانی ل دۆر رێفراندۆمێ کۆم بوو و راگەھاند؛ دەمەکێ دڕێژە ھۆشداری داینە حکومەتا بەغدا کو نابیت وەبکەن کورد ھزرا جودابوونێ ژ ئیراقێ بکەن.
حەکیم و عەلاوی د ڤێ قۆناغێ ئێکپارچەیا ئاخا ئیراقێ ب پێدڤی دزانن، داخواز ژی کر ھەموو گرفتان د گەل ھەولێرێ ب گۆتوبێژان چارە بکەن.
عەلاوی ئاشکرا کر؛ نھا دەمێ رێفراندۆمێ نینە و رەنگە ل دەمەکێ دی با باشتر بوو ھەتا رەوش ئارام دبوو، تا نھا ژی چاڤەرێ ھەلوەستێ حکومەت و پەرلەمانێن ئیراقێ یە، لێ ھێشتا چو داخویانی نەداینە.‌
جێگرێ سەرۆککۆمارێ ئیراقێ ئاشکرا ژی کر؛ شاندەک ب سەرۆکاتییا وی دێ سەرەدانا ھەرێمێ کەت و دگەل سەرۆکێ ھەرێمێ کۆم بیت، بۆ وێ یەکێ بزانن رێفراندۆم چیە و پشتی رێفراندۆمی دێ چ روودەت.