WAAR-دهۆك:

سه‌رۆكێ فراكسیۆنا پارتی دیمۆكراتی كوردستان ل جڤاتا نوونه‌رێن ئیراقێ راگه‌هاند؛ هنده‌ك ئالیێن ئیراقی، به‌ره‌یه‌ك ل دژی ریفراندۆما هه‌رێمێ دروستكرینه‌ و هند ئالی و میدیایێن كوردی ژی، دناڤا وی به‌ره‌یی دانه‌.

د داخویانیه‌كێ دا، عه‌ره‌فات كه‌ره‌می گۆت: ئه‌و په‌رله‌مانتار و سیاسیێن ئیراقی یێن كو به‌ریا نها دژایه‌تییا كوردستانێ و خواستێن گه‌لێ كورد دكر، نها به‌ره‌یه‌كێ به‌رفره‌هـ ل دژی ریفراندۆما هه‌رێمێ دروستكرینه‌ و هنده‌ك ئالیێن كوردی و میدیایێن ب ناڤ سه‌ربه‌خوه‌ یێن هه‌رێمێ ژی، دناڤا وی به‌ره‌یی دانه‌ و خزمه‌تا په‌یاما وان دكه‌ن.
گۆت ژی: هنده‌ك راگه‌هاندنێن كوردی، دخوازن بۆ دژایه‌تیكرنا ریفراندۆمێ و ساركرنا خه‌لكێ هه‌رێمێ، وان سیاسیێن ئیراقی دكه‌نه‌ مێهڤان كو ل دژی هه‌موو خواستێن كوردانه‌ و په‌یامێن وان یێن ژه‌هری به‌لاڤدكه‌ن و ب هه‌ڤڕا دگه‌ل هنده‌ك ئالیێن سیاسی ل هه‌رێمێ، دژایه‌تییا ڤی پرۆژێ نه‌ته‌وه‌یی دكه‌ن