نێچیرڤان بارزانی و رێكخستنا كاروبارێن ئاوارهیان رهوشا ئاوارهیان گۆتوبێژ كر
WAAR-دهۆك:
سهرۆكوهزیرێن ههرێمێ پێشوازی ل رێڤهبهرێ كۆمیسیۆنا نهتهوهیێن ئێكگرتی بۆ كاروبارێن ئاوارهیان ل رۆژههلاتا ناڤهراست و باكۆرێ و ئهفریقیا و شاندا د گهل دا كر و سهرۆكوهزیرێن ههرێمێ دیاركر: دڤێت باوهری بۆ پێكهاتهیێن دهڤهرێن ئازادکری ڤهگهریت، تا بشێن دوباره ژیانا خوه ئاڤا بكهن.
نێچیرڤان بارزانی سهرۆكوهزیرێن ههرێما كوردستانێ ئهڤرۆ پێشوازی ل ئهمین عهوهز رێڤهبهرێ كۆمسیۆنا نهتهوهیێن ئێكگرتی بۆ كاروبارێن ئاوارهیان ل رۆژههلاتا ناڤهراست و باكۆرێ و ئهفریقیا و شاندا د گهل دا كر و د دیدارێ دا شاندا مێهڤان سوپاسیا گهل و حكومهتا ههرێمێ كر ژ بۆ حهواندنا وێ ژمارا مهزن یا ئاوارهیان و دیاركر: د كۆنفرانسێ بهێت یێ كۆمسیۆنا وان دا، دێ پشتگیریا خوه بۆ هزرا دابینكرنا كۆمهكێن نێڤدهولهتی بۆ ههرێما كوردستان ب مهرهما هاریكارییا ئاواره و پهنابهران پێشكێش بكهن.
ژ ئالیێ خوه ڤه نێچیرڤان بارزانی دا زانین: هاریكاریكرنا وێ ههژمارا مهزن یا ئاواره و پهنابهران ژ شیانێن ههرێمێ زێدهترن، لهورا پێدڤیه شاندا مێهڤان زێدهتر شیانێن خوه بگرنه بهر، داكو هاریكاریێن زێدهتر بۆ ئاواره و پهنابهرێن ل ههرێمێ پێشكێش بكهن.
سهبارهت ڤهگهریانا ئاوارهیان ژی بۆ سهر جهێن خوه نێچیرڤان بارزانی دا زانین: دڤێت ئارامی و ئاساییش ل دهڤهرێن ئازادكری بهرقهرار بیت، و باوهری ب وان پێكهاتهیان بهێتهدان تا بشێت ڤهگهرنه سهر جهێن خوه و ژیانا خوه دوباره ئاڤا بكهن.
تُتاح هذه الصورة أيضا في: کوردی