دژە تیرور – داعش ل موسل دوماھی ھات و چاڤەرێ عەبادی دكەین بو راگەھاندنا کونترولکرنا موسل
ئەڤرۆ نیوز:
دەزگەھێ دژە تیرورا عیراقێ دیارکر کو ئەڤرۆ داعش ل تەڤایا پارێزگەھا موسل نەمایە و ھەموو ھاتە پاقژکرن و نھا چاڤەری َعەبادی سەروکوەزیرێن عیراقێ دکەین بو راگەھاندنا کونترولکرنا موسل ، دھێتە چاڤەرێکرن کو دەمەکێ دن عەبادی گوتارەکێ پێشکێش بکەت.
سەباح نەعمان بناڤێ دەزگەھێ دژە تیرورا عیراقی دیارکر کو ئەڤرۆ رۆژا پێنج شەمبی پارێزگەھا موسل ل داعشێ ھاتە پاقژکرن و بو دەزگەھێن راگەھاندنا عیراقی گۆت: ( نھا ئەم چاڤەرێ حەیدەر عەبادی سەروک وەزێرێن عیراقێ و سەرکردەیێ گشتیێ ھێزێن چەکدارێن عیراقێ دکەین کو ب رەنگەکێ فەرمی کونترولکرنا موسل رابگەھینیت)
ژلایەکێ دی ڤە فەریق روکن عەبدولئەمیر رەشید یارللا سەرکردەیێ ئوپەراسیونا ئەم ھاتین یا نەینەوا دیارکر کو وان ئەڤرۆ مزگەفتا نوری و مونارا حەدبا ل موسلا کەڤن کونترولکریە و گۆت: (ئەم نھا ب دوڤ ئەبوبەکر بەغدادی دگەین کا ل کیڤە خوە ڤەشارتیە و ئێدی داعش ل موسل دوماھی ھات)
دھێتە چاڤەرێکرن کو دەمەکێ دن عەبادی گوتارەکێ پێشکێش بکەت.
تُتاح هذه الصورة أيضا في: کوردی