توركیا دێ ب ئاشكرایى ههلویستێ خوه ل دۆر رێفراندۆمێ گههینیته ههولێرێ
WAAR-دهۆك:
وهزیرێ دهرڤهیێ توركیا ل بهغدا راگههاند؛ ئهو د دسهرهدانا خوه یا ئهڤرۆ دا، ههلوهستێ توركیا ل دۆر رێفراندۆما سهرخوهبوونێ، ب ئاشكرایی گههیننه ههولێرێ.
مهولوود چاویش ئۆغلۆ، وهزیرێ دهرڤهیێ توركیا، پشتی كۆمبوونا دگهل ئیبراهیم جهعفهری وهزیرێ دهرڤهیێ ئیراقێ، د پرێسكۆنفرانسهكی دا، بهحسا رێفراندۆما سهرخوهبوونا كوردستانێ كر و راگههاند؛ ههلوهستێ توركیا د ڤێ دهربارێ دا روهن و ئاشكرایه، ئهو ژی توركیا دگهل ئێكپارچهییا ئاخ و سهروهرییا ئیراقێ یه.
ههروهسا دیاركر، ئهو دێ د سهرهدانا ئهڤرۆ دا بێژنه ههولێرێ كو دهست ژ رێفراندۆمێ بهردهت.
چاویشئوغلۆ ئهڤرۆ سات چارێ ئێڤاری دێ گههیته ههولێرێ و ل سات پێنجی ئێڤاری ژی دێ دگهل مهسعوود بارزانی سهرۆكێ ههرێما كوردستانێ كۆمبیت.
ئهڤه ل دهمهكی یه، سهرۆكێ ههرێما كوردستانێ د كۆمبوونا دوهی یا دگهل جێم ماتیس وهزیرێ بهرگرییا ئهمریكا، پشتراست كرییه كو رێفراندۆم دێ هێته كرن و ههر داخوازییهكا بۆ پاشخستنا وێ بهێته كرن، دڤێت بهدیلهكێ ب هێز ههبیت كو ئهو بهدیله ژ ئالاڤێ رێفراندۆمێ ب خوه ب هێزتر بیت.
تُتاح هذه الصورة أيضا في: کوردی