ئەمریکا ناڤێن ٤ وەلاتێن نوو کرە د لیستا قەدەغەیا وەرگرتنا ڤیزەیا ئەمریکا دا
WAAR-دهۆك:
ل گۆر ئاگاھیێن میدیایێن ئەمریکا، ئیدارەیا واشنتۆن ھاتنا وەلاتیێن چار وەلاتێن دی بۆ ئەمریکا قەدەغە کرییە .
میدیایێن ئەمریکا راگەھاند: ئیدارەیا واشنتۆن ناڤێن جار وەلاتێن نوو کرینە د لیستا وان وەلاتێن ھاتنا وەلاتیێن وان بو ئەمریکا ھاتییە قەدەغەکرن و ئەگەرا ڤێ بریارێ ژی بۆ پابەن نەبوونا حکومەتێن وان وەلاتان ب سیستەمێ حکومەتا ئەمریکا یا دیپۆرتکرنێ ڤەگەراند.
ل گۆر بریارا نوو یا ئیدارەیا واشنتۆن، ھاتنا وەلاتیێن کەمبۆدیا و ئەریتێریا، ھەروەسا غینیا و سیرالیۆن بۆ ئەمریکا ھاتییە قەدەغەکرن.
ژیدەرەکێ نیزیکی ئیدارەیا ئەمریکا ئاشکەرا کر: بەری نھا وەزارەتا دەرڤە یا ئەمریکا نامەیەک ب حکومەتێن وان وەلاتان ھنارتییە و تێدا داخوازا ھەماھەنگییا وان ژ بۆ دیپۆرتکرنا وەلاتیان کرییە، لێ تا نھا چ بەرسڤێن ئاشکەرا ژ ئالیێ وان وەلاتان ڤە نەھاتینە دان.
دھیتە زانین کو ئیدارەیا ئەمریکا ھەر ژ دەستپێکا دەستبکاربوونا دۆنالد ترامپی ھاتنا وەلاتیێن ژمارەیەکا وەلاتان قەدەغە کرییە و پرانییا وان وەلاتان ژی یێن رۆژھەلاتا ناڤینن.
تُتاح هذه الصورة أيضا في: کوردی