فراکسیۆنا پارتی: بریارا دادگەھا فیدرال چو شەرعیەتا قانوونی نینە
WAAR-دهۆك:
جێگرێ سەرۆکێ فراکسیۆنا پارتییا دیموکراتا کوردستانێ راگەھاند؛ دادگەھا فیدرال ل بن کۆنترۆلا ئالیێن سیاسی یێن دوژمنێن کوردان دایە و دوپاتکر کو بریارا وێ یا راگرتنا رێفراندومێ چو شەرعییەت و بھایێ خوە نینە.
شاخەوان عەبدوللا جێگرێ سەرۆکێ فراکسیۆنا پارتی د داخۆیانییەکا رۆژنامەڤانی دا گۆت: بریارا ئەڤرۆ یا دادگەھا فیدرال یا ئیراقێ، چو شەرعییەت و بھایێ خوە نینە و ھەرێمێ نەیا پێگیرە، ئاماژەکر کو نھا دادگەھـ د بن کۆنترۆلا ھندەک ئاتلیێن سیاسی یێن ئیراقێ یە یێن ل دژی کوردان کاردکەن.
عەبدوللایی دوپاتکر کو نە د دەستھەلاتێن دادگەھا فیدرال دایە و ھەروەسا ئەو ماف ژی نینە رێفراندۆمێ رابگریت، دوپاتکر کو رێفراندوم ناھێت پاشخستن، تنێ ب بریارا سەرکرداتییا سیاسییا ھەرێما کوردستانێ نەبیت.
ھەڤدەم خوشەڤی بابەکر نوونەرێ پارتی ل مۆسکۆیێ دیارکر، رێفراندوم ژ بەر بریارا دادگەھا فیدرال یا ئیراقێ ناھێتە پاشخستن.
تُتاح هذه الصورة أيضا في: کوردی