ئه‌لمانیا داخوازا دیالۆگێ د ناڤبه‌را هه‌ولێر و به‌غدا دا كر
WAAR-دهۆك:
وه‌زاره‌تا ده‌رڤه یا ئه‌لمانیا داخوازا چاره‌سه‌رییا كێشه‌یێن د ناڤبه‌را هه‌ولێر و به‌غدا دا ب رێیا دیالۆگێ كر و دیاركر: رووبرووبوونا داعشێ گرنگترین بابه‌ته.
زیگمار گابریێل، وه‌زیرێ ده‌رڤه یێ ئه‌لمانیا د راگه‌هاندنه‌كێ دا بانگ ل هه‌ولێر و به‌غدا كر ئاستێ ئالۆزیان كێم بكه‌ن و دیاركر: پێدڤیه كێشه‌یێن د ناڤبه‌را هه‌ولێر و به‌غدا دا ب رێیا دیالۆگێ بهێنه چاره‌كرن.
راگه‌هاند ژی: د نها دا رووبرووبوونا داعشێ گرنگترین بابه‌ته و ئه‌ڤ پێنگاڤه كو مه‌ره‌م ژێ رێفراندۆمه، شه‌رێ دژی وێ رێكخستنێ دئێخیته د مه‌ترسیێ دا و مفا بۆ چ ئالیه‌كی نابیت.
وه‌زیرێ ده‌رڤه یێ ئه‌لمانیا داخواز ژی كر هه‌رێم پێنگاڤین تاك ئالی نه‌هاڤێژیت.
تُتاح هذه الصورة أيضا في: کوردی