کۆنسۆلێ ئیرانێ: تەھرانێ چ دەما ھەرێم وەکو دوژمن نەدیتییە
WAAR-دهۆك:
کۆنسۆلێ ئیرانێ راگەھاند؛ وەلاتی وی چ دەما گەل و حکومەتا ھەرێما کوردستانێ ب دوژمن نە دیتییە، دوپاتکر دێ ھەموو بزاڤێن خوە ئێخنە کاری کێشەیێن ھەولێر و بەغدا بھێن چارەکرن.
مورتەزا عەبادی کۆنسۆلێ کۆمارا ئیسلامییا ئیرانێ د ھەڤدیتنەکێ دا د گەل ھوشیار سیوەیلی بەرپرسێ پەیوەندیێن دەرڤە یێن پارتی راگەھاند، ئیران و ھەرێما کوردستانێ بۆچوونێن جودا ل سەر چەند پرسان ھەنە، لێ نابنە ئەگەرێ دورخستن و ئالۆزیان.
ھەروەسا گۆت: ئیران بەرھەڤە ھەموو ھاریکاری و کارتێکرنێن خوە بکاربینیت بۆ ڤەدیتنا چارەیان بۆ کێشەیێن د ناڤبەرا ھەولێر و بەغدایێ دا.
ل گۆرى مالپهرێ فهرمیێ پارتی، د وێ دیدارێ دا بهرپرسێ پەیوەندیێن دەرڤە یێ پارتی و کۆنسۆلێ ئیرانێ تەکەزی ل ئاسایکرن و بھێزکرنا پەیوەندییان د ناڤبەرا ھەولێر و تەھرانێ دا کر.
تُتاح هذه الصورة أيضا في: کوردی