ئیرلەندا دخوازیت دۆزا کوردی ل تورکیا بھێت چارەکرن
WAAR-دهۆك:
جێگرێ سەرۆکوەزیێن ئیرلەندا داخوازا چارەکرنا ئاشتییانە بۆ دۆزا کوردی ل تورکیا کر.
د روونشتنا پەرلەمانێ ئیرلەندا دا ل دۆر پرسا دادگەھکرنا سەلاحەددین دەمیرتاش، ھەڤسەرۆکێ ھەدەپێ و فیگەن یوکسەکداغ، ھەڤسەرۆکا بەرێ پرسیارەک ژ جێگرێ سەرۆکوەزیران ھاتە کرن.
سیۆن چۆڤەنەی، جێگرێ سەرۆکوەزیرێن ئیرلەندا و وەزیرێ دەرڤەیێ وی وەلاتی راگەھاند؛ ئەو دخوازن ھەموو کێشە ب رێیا دانوستاندنان بھێنە چارەکرن و گۆت؛ دۆزا کوردی ل تورکیا ب تنێ ب رێیا دیالۆگێ دھێتە چارەکرن.
جۆڤەنەی راگەھاند ژی؛ پێشتر ل سەر زیندانکرنا دەمیرتاشی و یوکسەکداغێ دلگرانییا خوە راگەھاند بوو و بەیانەک ل سەر وێ یەکێ بەلاڤ کر بوو، بزاڤ ژی کر بوون د گەل ھژمارەکا نوونەرێن وەلاتان ل تورکیا ل دادگەھا وان بەرھەڤ بن، لێ رێ پێ نەھاتە دان.
جێگرێ سەرۆکوەزیرێن ئیرلەندا دلگرانییا خوە ژ زیندانکرنا پەرلەمانتارێن ھەدەپێ دەربڕی و ئاشکرا کر؛ ئەو ب رێیا بالیۆزخانەیا خوە ل ئەنقەرە بەردەوام د پەیوەندییان دانە د گەل پەرلەمانتارێن ھەدەپێ و ژ نێزیک چاڤدێریا دادگەھکرنا وان دکەن.
تُتاح هذه الصورة أيضا في: کوردی