جڤاتا وهزیرێن ههرێما كوردستانێ ل دۆر سێ تهوهران كۆمبوو
WAAR-دهۆك:
جڤاتا وهزیرێن ههرێما كوردستانێ ئهڤرۆ ب سهرپهرشتییا نێچیرڤان بارزانی كۆمبوو و رهوشا نها یا كوردستانێ و ئهنجامێن سهرهدانا شاندا حكومهتێ بۆ ئهلمانیا و سێ تهوهرێن دی یێن گرنگ بهحس كرن.
پهیامنێرێ وار ل ههولێرێ راگههاند؛ جڤاتا وهزیرێن ههرێمێ ئهڤرۆ سات یازدهیى سپێدێ كۆمبوو، و تێدا دگهل بهحسكرنا رهوشا نها یا كوردستانێ و ئهنجامێن سهرهدانا شاندا حكومهتێ بۆ ئهلمانیا، سێ تهوهرێن دی هاتنه گۆتوبێژ كرن كو تهوهرێ ئێكێ گرێدایی راپۆرتا داهاتێن سێ مههێن داویێ یێن ئهڤ ساله بوو و ژ ئالیێ كۆمپانییا دیلۆت یا بریتانی ڤه هاته شرۆڤهكرن.
هەروەسا رهشنڤێسا یاسایا رێژهیا فهرمانبهران و كێم كرنا خانهنشین و فهرمانبهرێن نهیاسایی هاته بهحس كرن و د تهوهرێ سیێ ژی دا، باس ل فرۆتنا ههموو ترومبێلێن بكارهاتی یێن حكومهتێ هاته كرن.
تُتاح هذه الصورة أيضا في: کوردی