چاویشئۆغلۆ: ھێرشێن مە دێ ھەتا شنگال و قەندیلی چن
WAAR-دهۆك:
وەزیرێ دەرڤەیێ تورکیا راگەھاند؛ ھێرشا وان ب ھەماھەنگییا چەکدارێن ئۆپۆزسیۆنا سووریێ ل سەر عەفرینێ، دێ ھەتا شنگالێ و قەندیلی ل ھەرێما کوردستانێ ژی ڤەگریت.
مەولوود چاویشئۆغلو د گۆتارهكێ دا ل باژارێ ئەنتالیا ل باشوورێ تورکیا راگەھاند؛ ل ھەر جھەکێ گەف ل سەر تورکیا ھەبن ئەو دێ بەرھنگاری وان گەفان بن، تورکیا ژی ئارمانجێن مەزن ھەنە و دێ ب جھـ ئینن.
چاویشئۆغلو گۆت: ھندەک وەلاتان داخواز کرییە ھێرشا ل سەر عەفرینێ سنۆردار بیت، داخوازا وان وەلاتان ژی ل بۆ تورکیا چو بھا نینە.
وەزیرێ دەرڤەیێ تورکیا ئاماژهكر، گەفێن ل سەر تورکیا ژ عەفرینێ بھێن یان ژی ژ شنگالێ، قەندیلی، منبجێ یان ژی ژ رۆژھەلاتێ فوراتی، تورکیا دێ بەرھنگاری وان گەفان بیت.
چاویشئۆغلو راگەھاند؛ تورکیا ئارمانجێن مەزن ھەنە و دێ بجھـ ئینن، ئاستەنگ ژی ل ھمبەری وان ھەنە و دێ ب ھەموو شیانان کار ژبۆ راكرنا وان ئاستهنگان كهن.
تُتاح هذه الصورة أيضا في: کوردی