وهزيرێ دارايى: پرۆژێ چاكسازيێ دێ ژيانا مووچهخۆران باشتر لێكهت
ئهڤرۆنيوز:
وهزيرێ دارايى وئابوورى ل ههرێما كوردستانێ، ئهڤرۆ ئێكشهمبى 28/1/2018، راگههاند، پرۆژێ چاكسازيێ دێ كاريگهريا خوه ههبيت ل سهر بهلاڤكرنا مووچان وباشتركرنا ژيانا مووچهخۆران.
رێباز حهملان وهزيرێ دارايى وئابوورى دپێشوازيا شاندهكێ پهرلهمانێ كوردستانێ ب سهرۆكاتيا جهعفهر ئێمينكى جێگرێ سهرۆكێ پهرلهمانى، ل دووڤ مالپهرێ فهرميێ وهزارهتا دارايى، گۆت” گرنگه ههماههنگى دناڤبهرا دهستههلاتا قانوون دانانێ ودهستههلاتا بجهئينانێ دا ههبيت بۆ وێ چهندێ ئهم ههموو كاربكهين بۆ باشتركرنا ژيانا خهلكى ودهربازكرنا ڤێ قهيرانا دارايى”.
حهملانى گۆت ژى” ئهو پرۆژێ چاكسازيێ ئهوێ هاتيه ئاراستهكرن بۆ پهرلهمانێ كوردستانێ، يهكسانيا جڤاكى دروست دكهت وكۆژمهكێ باش يێ پارهى ژى بۆ گهنجينا گشتى دێ ڤهگهرينيت وڤێ چهندێ ژى دێ كاريگهرى ههبيت ل سهر بهلاڤكرنا مووچهى وباشتركرنا ژيانا مووچهخۆران”.
تُتاح هذه الصورة أيضا في: کوردی