سەقاناسییا هەرێمێ: تا سوبە سپێدێ بارانبارین دێ بەردەوام بیت

سەقاناسییا هەرێمێ: تا سوبە سپێدێ بارانبارین دێ بەردەوام بیت
WAAR-دهۆك:

پێلا بارانبارینێ تا سوبە سپێدێ ل هەرێما کوردستانێ دێ بەردەوام بیت و ل حەفتییا بهێت ژی، سێ رۆژان باران دێ باریت.
فازل ئیبراهیم، رێڤەبەرێ گشتی یێ رێڤەبەرییا سەقاناسی و بیڤەلەرزان یا هەرێما کوردستانێ ئاشکرا کر؛ پێلا بارانبارینێ یا دەمێ دو رۆژانە ل هەرێما کوردستانێ بەردەوام، تا سوبە سپێدێ دێ بەردەوام بیت و رێژەیا بارانێ د ئەڤ سالە دا، نێزیکی رێژەیا پار بوویە.
رێڤەبەرێ گشتی یێ سەقاناسیا هەرێمێ خۆیا ژی کر؛ ل پارێزگەها دهۆکێ د ئەڤ سالە دا سەد و پێنجی و پێنج ملیمەترێن بارانێ بارینێ، ل هەولێرێ رێژە گەهشتییە سەد و چاردە میلمەتران و ل سلێمانیێ ژی، رێژە نێزیکی دوسەد و حەفتێ و پێنج میلمەتران بوویە و دیار کر؛ ل حەفتییا بهێت ژی، سێ رۆژان دێ باران باریت.

تُتاح هذه الصورة أيضا في: کوردی