وه‌زاره‌تا په‌روه‌ردێ ژڤانێ ئه‌زمونان پێشخست
WAAR-دهۆك:
وه‌زاره‌تا په‌روه‌ردا حكومه‌تا هه‌رێما كوردستانێ ئه‌ڤرۆ راگه‌هاند؛ ژڤانێ تاقیكرنێن دوماهییا سالێ یێن قوتابخانه‌یان ژبه‌ر هه‌لبژارتنێن ئیراقێ هاتینه پێشخستن.
وه‌زاره‌تا په‌روه‌ردا حكومه‌تا هه‌رێمێ ئه‌ڤرۆ د به‌یانه‌كێ دا راگه‌هاند؛ ژ به‌ر كو بڕیاره هه‌لبژارتنێن ئیراقێ ل رۆژا دوازده یێ مه‌ها ئه‌یارێ یا ئه‌ڤ ساله بهێنه كرن، بڕیار هاتییه دان تاقیكرنێن دوماهییا سالێ یێن قوتابخانه و په‌یمانگه‌هێن سه‌ر ب وازه‌ره‌تێ ل پێش وه‌خت بهێنه كرن.
دیار ژی كرییه، بیست و حه‌فت یێ مه‌ها نیسانێ ئه‌زمونێن دوازدێ ئاماده‌یی دێ ده‌ستپێكه‌ن و ل بیست و هه‌شتێ یێن نه‌هێ بنه‌ره‌ت ده‌ستپێكه‌ن، ل پێنچ یێ مه‌ها ئه‌یارێ ژی داوی رۆژا ئه‌زمونان هاتییه دانان.
خویا ژی كرییه، پێدڤییه مامۆستایێن قوتابخانه‌یان بزاڤ بكه‌ن تا رۆژا ئه‌زمونان پرۆگرامێن خواندنێ ته‌مام بكه‌ن.
تُتاح هذه الصورة أيضا في: کوردی