رێیا مووسل-دهۆكێ بۆ كارێن بازرگانی هاتە ڤەكرن
باسنيوز:
سەرۆكێ جڤاتا پارێزگەها مووسل دیاركركو ئەڤرۆ 5/3/2018 ب شیوەیەكی فەرمی رێیا مووسل بۆ پارێزگەها دهۆكێ هاتە ڤەكرن بۆ ئەنجامدانا كارێن بازرگانی.
بشار كیكی، سەرۆكێ جڤاتا پارێزگەها مووسل بۆ(باسنیوز) دیاركر:” ئەڤرۆ پارێزگارێ دهۆكێ فەرهاد ئەمین ئەتروشی دگەل ئیدارا مووسل ب شیوەیەكی فەرمێ رێیا مووسل بۆ دهۆكێ ڤەكرن ودەست ب ئەنجامدانا كارێن بازرگانی هاتە كرن ورێیا مووسل بۆ دهۆكێ دهێتە پاراستن. هەموو بازرگان ژ ئەڤرۆ وپێڤە دشێن كارێن خوە یێن بازرگانی ناڤبەرا دهۆك و مووسلێ دا ئەنجام بدەن”.
ئەیاد حەسەن، سەرۆكێ ژوورا بازرگانی و پیشەسازی ل پارێزگەها دهۆكێ بۆ (باسنیوز) دیاركر: “ئەڤرۆ 5/3/2018 پارێزگارێ دهۆكێ دگەل ئیدارا مووسل و بازرگانێن دهۆكێ و مووسلێ ب فەرمی رێیا مووسل بۆ دهۆكێ ڤەكرن. ل دهۆكی هەتا 3500 بازرگان و كۆمپانی بەرهەڤیێن خوە كرینە كەرەستان رەوانەی مووسل بكەن. ئەم دخازێ دكەین پتر هەڤكاری ژلایێ دەستهەلاتا مووسل ڤە بهێـتە كرن بۆ كۆنترول كرنا تەناهیێ ل سەر رێیا مووسل بۆ دهۆكێ”.
تُتاح هذه الصورة أيضا في: کوردی