پەرلەمانێ ئەورۆپا ئەڤرۆ دێ پرۆژەقانوونەکێ ل دۆر عەفرینێ گۆتوبێژ کەت

پەرلەمانێ ئەورۆپا ئەڤرۆ دێ پرۆژەقانوونەکێ ل دۆر عەفرینێ گۆتوبێژ کەت
WAAR-دهۆك:

وەھا بریارە ئەڤرۆ پەرلەمانێ ئەورۆپا کۆمببیت و پرۆژە قانوونەکا تایبەت ل دژی ھێڕشێن سوپایێ تورکیا لسەر عەفرینێ گۆتوبێژ بکەت.
کەنالێ دی دەبلیۆ، یێ ئەلمانی راگەھاندیە: کۆ بریارە ئەڤرۆ پەرلەمانێ ئەورۆپا ل باژاری ستراسبۆرگ کۆمببیت و د وێ کۆمبوونێ دا دێ پرۆژەقانوونەکێ ل دژی ھێرشێن تورکیا ل سەر عەفرینی گۆتوبیژ کەت.
دیار ژی کریە، پەڕلەمانێ ئەورۆپا د وی پرۆژەی دا، دێ داخوازێ ژ تورکیا کەت ھێرشا ل سەر عەفرینێ راگریت داکو زێدەتر سڤیل نەبنە قوربانی و ھەروەسا ھێزێن خوە ژ سنۆرێن وێ ھەرێما رۆژئاڤایێ کوردستانێ ڤەکێشیت.
ئەو پرۆژە ژئالیێ ھەموو پارتێن پەرلەمانێ ئێکەتییا ئەورۆپا ڤە ھاتییە بەرھەڤکرن و دھێتە چاڤەرێکرن ب پرانییا دەنگان ئەو پرۆژەقانوون بھێتە پەسەندکرن.
ھەروەسا دھێتە چاڤەرێکرن ل سەر ھەمان مژار ل رۆژێن بیست و چار و بیست و پێنجێ مەھا نیسانێ ل برۆکسل کۆنفرانسەکێ نێڤدەولەتێ بھیتە سازکرن کو نەتەوێن ئێکگرتی و ئێکەتییا ئەورۆپا دێ نوونەراتییا وی کۆنفرانسی کەن.

تُتاح هذه الصورة أيضا في: کوردی