حکومەتا هەرێمێ جەژنێن قیامە و ئەکیتۆ ل کریستیانان پیرۆز کرن

حکومەتا هەرێمێ جەژنێن قیامە و ئەکیتۆ ل کریستیانان پیرۆز کرن
WAAR-دهۆك:

حکومەتا هەرێما كوردستانێ هەردو جەژنێن قیامە و ئەکیتۆ ل کریستیانان پیرۆز کرن و داخوازا ئاساییبوونا رەوشا دەڤەرێن وان کر.
حکومەتا هەرێما کوردستانێ ب هەلکەفتا جەژنا قیامە و جەژنا ئەکیتۆ، کو سەرسالا بابلی و ئاشووریانە، راگەهاند: ب سەدەما هێرشێن تیرۆرستی یێن داعشێ و توندوتیژییا دژی کریستیانان ل دەشتا نەینەوە،و مووسل و گەلەک دەڤەرێن دی یێن ئیراقێ ب هەزاران وەلاتیێن کریستیان نەچار بووینە مال و ملکێ خوە بهێلن و ئاوارە ببن، حکومەتا هەرێما کوردستانێ ژی دوپاتیێ ل بزاڤێن خوە یێن ئاساییکرنا رەوشا وان دەڤەران دکەت، دا وەلاتیێن کریستیان ل دەمەکێ نێزیک ڤەگەرن جهێن خوە و ژیانەکا ئارام و جێگیر ببوورینن.
حکومەتا هەرێمێ هەروەسا هەردو جەژن ل هەموو کریستیانێن کوردستان، ئیراق و جیهانێ، کلدانی، سریانی و ئاشووریان پیرۆز کر و جەژنەکا ئارام و سالەکا پری شادی و خوەشى بۆ خواست.

تُتاح هذه الصورة أيضا في: کوردی