57%ێ ژ خەلكێ دهۆكێ هێشتا كارتێن دەنگدانێ وەرنەگرتینە
باسنيوز:
هەتا نها ل پارێزگەها دهۆكێ 57%ێ كارتێن بایۆمەتری یێن دەنگدانێ وەرنەگرتینە و 73%ێ ژ خەلكێ دهۆكێ خوە د سیستەمێ بایۆمەتری دا تۆماركریە و یێن خوە تۆمارنەكری ژی دێ ب كارتا دەنگدانێ یا كەڤن بەشداریێ د هەلبژارتنێن پەرلەمانێ عیراقێ دا كەن.
سەكڤان حەسەن، بەرپرسێ راگەهاندنا ئۆفیسا دهۆك یا كۆمسیۆنا بلندا سەربەخۆیا هەلبژارتنان، بۆ (باسنیۆز) دیار كر، ب تنێ 43%ێ ژ خەلكێ دهۆكێ كارتێن دەنگدانێ یێن سیستەمێ بایۆمەتری وەرگرتینە و نها مە پلانەك دانایە بۆ هندێ یێن مایی ژی د ماوێ مەها بهێت دا كارتێن خوە یێن دەنگدانێ وەربگرن و ئێك ژ وان پلانا ب رێیا راگەهاندنێ یە و یا دی ژی مە دەواما خوە درێژتر لێ كریە و خوە ل رۆژێن بهێنڤەدانێ ژی ئەم دەوامێ دكەین بۆ هندێ هەموو خەلك بهێن و كارتێن خوە یێن دەنگدانێ وەربگرن.
ئاشكرا ژی كر كو نها تۆماركرنا سیستەمێ بایۆمەتری هاتیە راگرتن و 27%ێ ژ خەلكێ دهۆكێ خوە تۆمارنەكریە، بەلێ ئەوێن خوە تۆمارنەكرین ژی دێ ب كارتا دەنگدانێ یا كەڤن دەنگێ خوە بۆ هەلبژارتنێن پەرلەمانێ عیراقێ دەن.
سەكڤان حەسەن، بەرپرسێ راگەهاندنا ئۆفیسا دهۆك یا كۆمسیۆنا بلندا سەربەخۆیا هەلبژارتنان خویا كر، هەتا نها 85 هزار ئاوارەیان كو ب رێژا 43% خوە د سیستەمێ بایۆمەتری دا تۆماركریە و 21 بنگەهـ دێ بۆ ئاوارەیان دناڤا كەمپان دا هێنە ڤەكرن بۆ هندێ دەنگێ خوە بدەن.
تُتاح هذه الصورة أيضا في: کوردی