مهسرور بارزانى ل گهل شاندهكێ لهشكرى ودبلوماسى يێ ئهمريكى كۆمبوو
ئهڤرۆنيوز:
شيرهتكارێ جڤاتا ئاسايشا ههرێما كوردستانێ ل گهل شاندهكێ دبلوماسى ولهشكرى يێ ئهمريكى كۆمبوو.
مهسرور بارزانى، شيرهتكارێ جڤاتا ئاسايشا ههرێما كوردستانێ، ئهڤرۆ سێشهمبى 24/4/2018 ل گهل جهنهرال پاول فانك وشاندێ دگهلدا كو پێكهاتهكێ دبلوماسى ولهشكرى بوو كۆمبوو ودديدارهكێ دا دووماهى رهوشا دهڤهرێ وپهيوهنديێن ئهمريكا وههرێما كوردستانێ دبوارێن جودا جودا هاتنه بهحسكرن.
شاندێ ئهمريكى دووپاتكر كو وهكو كيانهكێ دستوورى پشتگيريێ ل ههرێما كوردستانهكا ب هێز وئێكگرتى دكهن ودخوازن پهيوهنديێن وان ل گهل ههرێمێ ب هێزتر بن.
ل دۆر مهترسيێن پهيدابوونا كريارێن تيرۆرستى، شاندێ ئهمريكى پشتگيريا خوه بۆ ههماههنگيێ دناڤبهرا هێزا پێشمهرگهى وهێزێن ههڤپهيمانان وهێزێن عيراقى دوباره كر وراگههاند كو دخوازن ئهو ههماههنگى يه ل ههموو دهڤهران پهيدا بيت.
دبهرامبهر دا، مهسرور بارزانى دووپاتى ل سهر پێدڤيا هاريكاريا ههموو لايهنه كر تاكو ههر چ زووتره دهليڤا گونجاى بۆ ئاساييكرنا رهوشێ ب رهخسيت وب چارهسهريا كێشێن سياسى وئيدارى ودستوورى هوكارێن پهيدابوونا توندوتيژيێ بهێنه ژناڤبرن.
تُتاح هذه الصورة أيضا في: کوردی