هه‌رێم ئاماده‌كاریێن راده‌ستكرنا 300 تیرۆرستێن داعشێ دكه‌ت
WAAR-دهۆك:
حكومه‌تا هه‌رێما كوردستانێ ئاماده‌كاریێن راده‌ستكرنا گه‌ره‌كا دی یا تیرۆرستێن داعشێ بۆ به‌غدا دكه‌ت، پشتی ل هه‌فتییا بۆری پتری 800 د تیرۆرستان راده‌ستكرین.
، دیندار زێباری به‌رپرسێ لژنه‌یا به‌رسڤدانا راپۆرتێن نێڤده‌وله‌تی د حكومه‌تا هه‌رێما كوردستانێ دا بۆ ئاژانسا فرانس پرێس گۆتییه: ئاماده‌كاریێن راده‌ستكرنا سێسه‌د تیرۆرستێن داعشێ بۆ حكومه‌تا فیدرال دهێنه كرن، پشتی ل هه‌فتییا بۆری 853 تیرۆرستێن دی راده‌ستكرین.
هه‌روه‌ها دیاركر، پرانییا تیرۆرستێن د ڤێ گه‌رێ دا دێ هێن راده‌ستكرن ب ره‌گه‌ز ئیراقی نه.
رێكخه‌رێ به‌رسڤدانا راپۆرتێن نێڤده‌وله‌تی ئاماژه‌كر، حكومه‌تا هه‌رێما كوردستانێ چه‌ندین تیرۆرستێن بیانی ژی راده‌ستی كونسلخانه‌یێن وه‌لاتێن وان كرینه و بێی ئاماژه ب چ زانیارییه‌كا دی د وێ ده‌ربارێ دا بده‌ت.
ل گۆری زانیاریێن فه‌رمی، تا داوییا سالا 2017ێ، هێزێن ئاساییشا هه‌رێما كوردستانێ پتری 2700 كه‌سان ب سووچا داعشێ ده‌سته‌سه‌ر كرینه و پرانییا وان ئیراقی نه
تُتاح هذه الصورة أيضا في: کوردی