دەستەیا گەشتوگۆزارێ ناڤێ جەبار ئۆسمان ل سەر ھۆلەکێ دانا
WAAR-دهۆك:
دەستەیا گشتییا گەشتوگوزارێ ل ھەرێما کوردستانێ ناڤێ جەبار ئۆسمان ل سەر ھۆلەکا مەشقدانا گۆزاری ل ھەولێرێ دانا، پەسنا قارەمانەتییا وی گەنجی ژی کر و ب ھێمایێ قۆربانیدانێ و مەردینیا مێھڤانداریێ ب ناڤ کر.
جەبار ئۆسمان یێ نۆزدە سالی دوھی رۆژا ئێکشەمبی بزاڤێن قۆرتالکرنا گەشتیارەکا بەغدادی ب ناڤێ زەھرا ھاشم یا سیھـ و نەھـ سالی د رووبارەکێ نێزیک رەواندۆزێ دا کر، د ئەنجام دا ھەردویان ژیانا خوە ژ دەست دا.
دەستەیا گەشتوگۆزارێ ل ھەرێما کوردستانێ د بەیانەکێ دا راگەھاند؛ خەندقینا وەلاتییەکێ ھەرێمێ ژبۆ قورتالکرنا گەشتیارەکێ، روودانەکا کێم وێنە و پری ھەستێن مرۆڤاتی و بھایێن مەردینیا مێھڤانداریێ یە.
دەستەیا گەشتوگۆزارێ گۆت ژی: ژبەرکو جەبار ئۆسمان ھێمایێ قۆوربانیدانێ و مەردینیێ یە، ئەوان بریار دا ھۆلا مەشقدانا گەشتیاری ل ھەولێرێ ناڤێ وی ل سەر بھێت دانان.
تُتاح هذه الصورة أيضا في: کوردی