ئهڤرۆ 51 رۆژ لسهر ههلبژارتنێن ئیراقێ دهرباز دبن
WAAR-دهۆك:
51 رۆژ ل سهر ههلبژارتنێن پهرلهمانێ ئیراقێ دهربازبوون و هێشتا چ ئاماژه ژبۆ پێكئینانا حكومهتێ نینن، تهنانهت مهزنترین ههڤپهیمانییا كو دێ سهركێشییا حكومهتێ كهت.
ههلبژارتنێن پهرلهمانێ ئیراقێ ل 12ی گولانێ هاتن كرن، ههڤپهیمانییا سائیروون یا موقتهدا سهدر ل ئیراقێ و پارتی دیمۆكراتی كوردستان ل ههرێما كوردستانێ پرانییا دهنگان برن.
دگهل راگههاندنا ئهنجامان ژ ئالیێ كۆمسیۆنێ ڤه، ناكۆكیێن ئالیێن سیاسی یێن ههرێما كوردستانێ و ئیراقێ دهست پێ كرن، پرسا سهختهكاریێ ژی تهڤ گۆتوبێژێن پێكئینانا حكومهتێ راگرتن، نها ژی و پشتی 51 رۆژان، ههموو ئالی ل ژڤانا ئهنجامێن كۆمسیۆنێ یا بدهست ههژمارتنا دهنگان دكهن و ئهگهرێ گوهۆرینا رێزبهندییا لیستێن سهركهفتی.
دگهل ب داوی هاتنا دهما قانوونی خولا 3 ژی، پهرلهمانێ ئیراقێ نهشیا كۆدهنگیێ ژبۆ درێژكرنا دهما خوه بكهت و ژ 30ی ئیلۆنێ ئیراق كهفتییه د ڤالاهییا تهشریعی دا.
حكومهتا ئیراقێ ژی بێی كو ناڤێ حكومهتا كاربرێكهر ل خوه بكهت، راگههاندییه كو ئهو دێ د ئهرك و دهستههلاتێن خوه دا بهردهوامبیت.
كۆمبوونا حهیدهر عهبادی ژی دهستپێشخهری ژبۆ كری، هێشتا ژڤانێ وێ نههاتییه دیاركرن، هێز و ئالیێن سیاسی ژی ل وێ باوهرێ نه، ئهو كۆمبوون رهوشا نها ئیراق تێدا دهرباز دبیت چاره ناكهت.
تُتاح هذه الصورة أيضا في: کوردی