وهزارهتێن ناڤخۆ و باژێرڤانی كۆنفرانسهك لدۆر زێدهگاڤییان سازكر
WAAR-دهۆك:
كۆنفرانسێ وهزارهتێن ناڤخۆ و باژێرڤانییان ل ههرێما كوردستانێ ئهڤرۆ دهست ب كارێن خوه كر، وهكه بزاڤهكێ ژبۆ دیتنا رێچارهیێن كێمكرنا زێدهگاڤییان ل سهر زهڤی و مولكێ حكومهتێ.
ئهڤرۆ ل باژارێ ههولێرێ، وهزارهتێن ناڤخۆ، باژێرڤانییان كۆنفرانسهك لدۆر زێدهگاڤیێن ل سهر زهڤی و مولكێ گشتی سازكر و پارێزگهرێن ههرێما كوردستانێ، پرانییا دهڤهردار و ناوچهدار و بهرپرسێن یهكهیێن ئیداری تێدا گۆتوبێژا دیتنا چارهیێن نههێلان و كێمكرنا زێدهگاڤییان كرن.
گۆتوبێژێن كۆنفرانسی ب شرۆڤهیا قانوونێن ههرێما كوردستانێ یێن نههێلانا زێدهگاڤییان دهست پێ كرن، ژ وان قانوونا ههژمار سێ یا سالا دو هزار و ههشتێ.
كهریم شنگالی، وهزیرێ ناڤخۆ یێ ههرێمێ ژی د رێورهسمان دا دیاركر، وێ قانوونێ نهشیاییه رێ ل زێدهگاڤییان بگریت، خواست ژی ئالیێن پهیوهندیدار وێ كار ژبۆ جێبهجێكرنا وێ بكهن.
كۆنفرانسێ وهزارهتا ناڤخۆ ل دۆر زێدهگاڤییان ئهڤرۆ تا سات چارێ ئێڤاری دێ بهردهوامبیت، چهندین راسپارده ژی بۆ بجهئینانا قانوونا نوو یا نههێلانا زێدهگاڤییان دێ هێن راگههاندن.
تُتاح هذه الصورة أيضا في: کوردی