پێلەکا ئاوارەیێن بەسرا ب سەر هەرێما کوردستانێ دا هاتییە

پێلەکا ئاوارەیێن بەسرا ب سەر هەرێما کوردستانێ دا هاتییە
WAAR-دهۆك:

ب هزاران مالباتێن بەسرا ژ بەر رەوشا وێ پارێزگەهێ هاتینە هەرێما کوردستانێ و چار هزار قوتابیێن بەسرا، دێ ل خواندنگەهێن هەرێمێ خوینن.
کۆمسیۆنا مافێن مرۆڤی یا ئیراقێ ئەڤرۆ راگەهاند؛ ب هزاران مالباتێن پارێزگەها بەسرا و پارێزگەهێن دی یێن ئیراقێ ژبەر نەبوونا خزمەتگۆزارییان و خرابییا رەوشا وان پارێزگەهان، قەستا هەرێما کوردستانێ کریە و کۆمسۆنێ ئەو ب پێلەکا نوو یا ئاوارەبوونێ ناڤ کرییە.
کۆمسیۆنا مافێن مرۆڤی دیار ژی کرییە؛ پێلا ئاوارەبوونێ گەلەک دژوارە و تنێ ل رۆژێن چارشەمب و پێنجشەمب یێن هەفتییا بووری، پتری چار هزار قوتابیێن خەلکێ بەسرا، ناڤێن خوە توومار کرینە، کو ئەڤ سالە ل هەرێما کوردستانێ بخوینن.
بەسرا دەولەمەندترین پارێزگەها ئیراقێ یە، لێ ژبەر گەندەلییا حکوومەتا ئیراقێ و ئیدارەیا وێ پارێزگەهێ، خەلکێ وێ ژ خزمەتگۆزاریێن ژیانێ بێ بەهرە.

تُتاح هذه الصورة أيضا في: کوردی