نێچیرڤان بارزانی: ههرێم بۆ پێشخستنا پهیوهندییان ل گهل بهغدا ئامادهیه
WAAR-دهۆك:
سهرۆكوهزیرێ ههرێما كوردستانێ د گهل شاندهكا بلند یا بریتانی كۆم بوو و ئامادهییا ههرێما كوردستانێ بۆ چارهكرنا ههموو كێشهیێن ههولێر و بهغدا نیشاندا.
ل گۆرهیی مالپهرێ فهرمی یێ حكومهتا ههرێمێ، ئهڤرۆ سپێدێ سهرۆكوهزیر نێچیرڤان بارزانی، پێشوازی ل شاندهكا بلند یا بریتانی ب سهرۆكاتییا برۆنیس ئێما نیكلسۆن، هاریكارا سهرۆكوهزیرێ بریتانیا بۆ كاروبارێن بازرگانی و ئهندامهتییا بالیۆز و كونسولێن وی وهلاتی ل ههولێر و بهغدا یێ كر و شاندا بریتانی، پشتهڤانییا وهلاتێ خوه بۆ چارهكرنا ههموو كێشهیێن ههولێر و بهغدایێ دوپاتكر و راگههاند؛ وهبهرهێنهرێن بریتانی ئامادهنه ل ههرێما كوردستانێ كار بكهن.
ژ ئالیێ خوهڤه سهرۆكوهزیر بارزانی، بهحس ل پهیوهندیێن ههولێر و بهغدایێ كر و جارهكا دی، پشتهڤانییا ههرێما كوردستانێ، بۆ حكومهتا عادل عهبدولمههدی دوپاتكر و راگههاند؛ ههرێم بۆ پێشخستنا پهیوهندییان ل گهل بهغدایێ ئامادهیه.
تُتاح هذه الصورة أيضا في: کوردی