مهسروور بارزانی: كرستیان پشكهكا رهسهن یا گهلێ كوردستانێ نه
WAAR-دهۆك:
شیرهتكارێ جڤاتا ئاسایشا ههرێما كوردستانێ د گهل سهرۆكوهزیرێ ڤاتیكانێ كۆم بوو و راگههاند؛ كرستیان پشكهكا رهسهن یا گهلێ كوردستانێ نه و حهواندنا ئاوارهیێن وان ئهركهكێ مرۆڤایهتییه.
مهسروور بارزانی شیرهتكارێ جڤاتا ئاسایشا ههرێمێ ئهڤرۆ ل ههولێرێ، پێشوازی ل كاردینال پیترۆ پارۆلین سهرۆكوهزیرێ ڤاتیكانێ و شاندا د گهل دا كر و د كۆمبوونێ دا، رۆل و رهوشا پێكهاتهیێن ئۆلی و نهتهوهیی یێن كوردستانێ بهحس كر و شاندا ڤاتیكانێ، حهواندن و رێزگرتنا ئاوارهیێن كرستیانان ل ههرێمێ بلند نرخاند.
مهسروور بارزانی دوپاتی ل فهرههنگا پێكڤهژیان و لێبۆرینێ یا گهلێ كوردستانێ كر و گۆت: كرستیان پشكهكا رهسهن یا گهلێ كوردستانێ نه و حهواندنا ئاوارهیێن وان ئهركهكێ مرۆڤایهتییه.
شیرهتكارێ جڤاتا ئاساییشا ههرێمێ هیڤی خواستن كو كرستیان جهـ و وارێ خوه بهرنهدهن و ب خوهشی ڤهگهرن سهر مال و حالێن خوه.
سهرۆكوهزیرێ ڤاتیكانێ ژی، پهسنا مرۆڤدۆستی و هاریكاری و پشتهڤانییا حكومهتا ههرێمێ بۆ ئاوارهیێن كرستیان كر و راگههاند؛ ڤاتیكان دێ ل سهر پشتهڤانییا كوردستانێ بهردهوامبیت.
تُتاح هذه الصورة أيضا في: کوردی