مەسروور بارزانی: کێشەیێن ل گەل بەغدایێ بەر ب چارەیان ڤە دچن
WAAR-دهۆك:
سەرۆکوەزیرێ هەرێما کوردستانێ پەسنا هەماهەنگییا پێشمەرگەی و هێزێن ئیراقی دا و راگەهاند: د بوارێ سیاسی ژی دا ئاماژەیێن ئەرێنی هەنە.
مەسروور بارزانی، سەرۆکی حکومەتا هەرێما کوردستانێ د کۆمبوونا خوە یا ئەڤرۆ ل گەل جەنەرال ئێریک هیل، فەرماندارێ ئۆپەراسیۆنێن تایبەت یێن هەڤپەیمانان ل ئیراق و سوورییێ دا راگەهاند: هێژ مەترسییا داعشێ ل چەندین دەڤەرێن ئیراقێ مایە و بوویە رێگری ل ڤەگەریانا ئاوارەیان، لێ نها هەماهەنگییاکا گەلەک باش د ناڤبەرا پێشمەرگەیێ کوردستانێ و هێزێن ئیراقی دا دروست بوویە.
سەرۆکوەزیر بارزانی هەروەسا دا زانین: ژ ئالییێ سیاسی ژی ڤە ئاماژەیێن ئەرێنی بۆ چارەکرنا کێشەییێن هەولێر و بەغدایێ هەنە و دوپات کر: بنەمایێ چارەیا هەموو کێشەیان دەستوورە.
تُتاح هذه الصورة أيضا في: کوردی