سەرۆك بارزانی پەیامەک بۆ رایا گشتی یا عیراقێ و كوردستانێ بەلاڤ کر
ئەڤرۆ نیوز:
ئەڤرۆ سێشەمبێ سەرۆك مەسعود بارزانی دەربارەی بارودۆخێ ڤێ دوماهیێ یێ ڤێ دەڤەرێ و عیراقێ، پەیامەک بۆ رایا گشتی یا عیراقێ و كوردستانێ بەلاڤ کر.
دەقێ پەیاما سەرۆک بارزانی
د ماوێ چەند رۆژێن بوریدا بارودۆخەکێ گەلەک ترسناك ل ڤێ دەڤەرێ و عیراقێدا پەیدا بوویە و ژ هەموو ئالیان ڤە هەست ب مەترسیەكا مەزن دهێتە کرن، د حالەتێ هوسا دا پێدڤیە بۆ دیتنا چارەسەریێ گوهـ ل عەقل و مەنتقی بهێته گرتن، نەكو لدووڤ عاتیفە و موزایەداتیا بێ مفا بین.
سەرۆك بارزانی دبێژیت: نوکە ئەڤ بارودۆخە ل بەر تەقینێ یە و کێشە گەلەک دئالۆزن و یێن ژ دەست چووینە دەر، لەوما دڤێت ژ هەموو لایان ڤە ئەو خەلکێ هەست ب مەسئولیەتێ دكەن ب عەقل و حیكمەت چارەسەریەکا مەعقوول ببینن، کو دخزمەتا گشت لایەنان دا بیت، هەکە پرۆسا چارەسەركرنێ ل سەر رێیەکا هوسا بیت، ئەم ژ بۆ هاریکاریێ و بۆ دیتنا چارەسەریێ درێخیێ ناكەین، بەلێ ل گەل هندێ نابین، کو وەلاتی تووشی شەرێ ب وەكالەت و چارەنڤیسێ نەدیار بكەت.
تُتاح هذه الصورة أيضا في: کوردی