نێچیرڤان بارزانی: بریارا پهڕلهمانێ ئیراقێ مەزنترین فەشەلا ئیداری یه
گاڤ نیوز:
سەرۆکێ هەرێما کوردستانێ دەربازکرنا بریاران بێی ل بەرچاڤوەرگرتنا بنەمایێ تەوافوقێ ل پەرلەمانێ ئیراقێ ب فەشەلا ئیداری ناڤ کر و گۆت: کوردستان هەمی دەمان ئامادەیە ل گەل بەغدا رێک بکەڤیت.
نێچیرڤان بارزانی ئەڤرۆ پشتی کۆمبوونا هەرسێ سەرۆکاتیێن هەرێمێ د کۆنگرەیەکێ رۆژنامەڤانی دا راگەهاند، ژ پشی سالا 2003ێ، ل ئیراقێ بریار ل گۆرهی بنەمایێ تەوافوقێ هاتینە دان، لێ ل ڤێ داویێ هندەک لایەنان دیت کو ل پەرلەمانی زۆرینە نە، لەورا بریار دژی کوردان دەرباز کرن.
هەروەسا گۆت: ئەو لایەن هزر دکەن کو ئەڤە سەرکەفتنە بدەستڤە ئینای، لێ د بنیات دا، مەزنترین فەشەلا ئیداریا ئیراقێ یە.
دەربارەی رێککەفتنا پەترۆلێ یا د ناڤبەرا هەرێما کوردستانێ و ئیراقێ دا، نێچیرڤان بارزانی ئاماژە دا، هەرێم هەمی دەمان ئامادەیە ل گەل بەغدا رێک بکەڤیت و چ راستی بۆ وان نووچەیان نینن یێن هەرێمێ ب پێگیرینەکرنێ تومەتبار دکەن.
تُتاح هذه الصورة أيضا في: کوردی