جڤاتا ئاسایشا هه‌رێما كوردستانێ بانده‌كێ تیرۆرستێن داعشێ ده‌سته‌سه‌ركر
خانى نيوز:
جڤاتا ئاسایشا هه‌رێما كوردستانێ: داعشێ ب نیازبوون چەند کریارێن تیرۆریستی ل هەولێرێ ئەنجام بدەن
جڤاتا ئاسایشا هه‌رێما كوردستانێ، ڤیدیۆیا دانپێدانانا بانده‌کێ تیرۆریستی سه‌ر به داعشێ به‌لاڤكرییه، کو ب نیازبوون چەند کریارێن تیرۆریستی ل هەولێرێ ئەنجام بدەن.
ل دووڤ راگه‌هاندنه‌كا جڤاتا ئاسایشا هه‌رێما كوردستانێ، تێدا هاتییه، ل وان بزاڤێن به‌رده‌وامییا ژناڤبرنا پیلانێن تیرۆرستى دژى كوردستانێ، زانیاریێن دروست ب ده‌ستڤه هاتن، كو (حجى عبداللە – خەلیفەىێ گرووپێ تیرۆریستیێ داعشێ) فەرمان دایه، كو ب هەرئێك ژ (حارپ – والییێ شمال / کوردستان) و (أبو ولید – ئەمیرێ ئەمنییێ ولایەتى شمال) بۆ ئەنجامدانا کریارا تیرۆریستى، راستەوخۆ تیرۆرستان ئه‌و شانه هاتنه ئاشکرا كرن و د ئۆپراسیۆنه‌كا سەرکەڤتى شیان ته‌ماما تیرۆریستێن شانه‌یێ بهێنه ده‌سته سه‌ركرن.
ئاماژە ب هندێ هاتییه دان، ژ ئەنجامێ ڤه‌كۆلینێ دەرکەڤت كو تیرۆرست ب نیازبوون ب رێكا (بۆمبه‌كا چاندهى – عبوە) و (دەمانچەێن بێ دەنگ – کاتم صوت) دا كریارێن خوه ئەنجام دەن و ل ده‌ستپێكا هه‌یڤا دوو (2/2021) دوو ئەندامێن گرووپێن وان ل ده‌ستپێكێ نه‌شیان راسته‌وخۆ بهێنه دناڤ کوردستانێ بن بوویە ب قاچاخ ل سووریێ هاتینه ڤه‌گۆهاستن بۆ تورکیا پاشى بۆ ئێرانێ و ژ وێرێ بۆ قه‌زا رانیە و پاشى گەهشتینه باژێرێ هەولێرێ.
تُتاح هذه الصورة أيضا في: کوردی