مەسروور بارزانی: ھێرشێن داعشێ مەترسیەکا جدی نە
گاڤ نیوز
سەرۆکێ حکومەتا ھەرێما کوردستانێ راگەھاند: داعش مژویلی خۆرێکخستنێ یە و ھێشتا ژی مەترسی یەکا جدی یە ل چەندین ناوچەیێن ئیراقێ.
مەسروور بارزانی، سەرۆکێ حکومەتا ھەرێما کوردستانێ گۆت: ل ناوچەیێن کوردستانی یێن دەرڤەیی ئیدارەیا ھەرێمێ و چەندین ناوچەیێن دی ل ئیراقێ داعش ھێشتا مەترسیەکا جدی یە و دوپاتکر، داعش مژویلی خۆرێکخستنێ یە و ھێشتا گەفە.
گۆتژی: داعش مفایی ژ وێ ڤالاھیا ئێماھیێ وەردگریت یا دناڤبەرا ھێزێن پێشمەرگی و سوپایێ ئیراقێ دا و دوپاتی ل گرنگیەکا بجھئینانا ھەڤکاریێ د ناڤبەرا سوپا و ھێزێن پێشمەرگەی دا کر.
ھەروەسا بەردەوامیا مەشق و راھێنانێن پێشمەرگەی و سوپایێ ئیراقێ ژ ئالیێ ھەڤپەیمانان ڤە و مانا وان ل ئیراقێ بۆ بەرھنگاربوونا تیرۆرستێن داعشێ ب گرنگ و پێدڤی زانی، کو ب ئێکجاری داعشێ بشکێنن و گەف و مەترسیا وان بۆ سەر ئاسایشا ھەرێمێ و ئیراقێ ب گشتی نەھێلن.
تُتاح هذه الصورة أيضا في: کوردی