هندستان دێ ئيراقيێن ب كۆرۆنايێ دمرن ل وهلاتێ خۆ ڤهشێريت
خانى نيوز:
بالیۆزێ ئیراقێ ل هندستانێ راگههاند؛ ئهو وهلاتییێن ئیراقى یێن ل هندستانێ ب كۆرۆنایێ ژیانا خوه ژ دهست ددهن دێ ههر ل وى وهلاتى هێنه ڤهشارتن.
فهلاح عهبدولحهسهن، بالیۆزێ ئیراقێ ل هندستانێ راگههاند؛ ئهو ئیراقییێن ل هندستانێ دهمێ تووشى ڤایرۆسێ كۆرۆنایێ دبن پهیوهندییێ ب بالیۆزخانێ ناكهن و هندهك ژوان بزاڤا دكهن توشبوونا خوه ب ڤهشێرن پیخهمهت وێ یهكێ ب ساناهى ڤهگهرنه ئیراقێ.
گۆت ژى: بۆ ڤهگهراندنا وان وهلاتیێن ل هندستانێ ژیانا خوه ژ دهست ددهن وان پێدڤى ب راپۆرتا نۆشداری ههیه و ئهو ل سهر چهند حالهتهكێن مرنێ هاتینه ئاگههداركرن و تا نها ههژمارا فهرمى یا تووشبوویان ل بهردهست نینه، لێ ههژمارا وان كهسێن ب وى ئهگهرى مرین ژ شهش كهسان دهربازبوویه و ههموو ل وهلاتێ هندستانی هاتینه ڤهشارتن.
تاگس: گرنگ
تُتاح هذه الصورة أيضا في: کوردی