ل دھۆکێ ٩٢٪ خەلکی کارتێن دەنگدانێ وەرگرتينە
باسنيوز:
ل پارێزگەھا دھۆکێ ھەمان رەنگێ پارێزگەھێن دیتر بەرھەڤی بۆ ھەلبژارتنێن پەرلەمانێ عیراقێ دھێنە کرن و تا نۆکە ب رێژا ٩٢٪ کارتێن دەنگدانێ ژلایێ خەلکی ڤە، ھاتنە وەرگرتن.
خالد عەباس، بەرپرسێ ئۆفیسا دھۆکێ یا کۆمسیونا عیراقێ بۆ (باسنیوز) گۆت: “ب رەنگەکێ باش مە ئامادەکاری بۆ ھەلبژارتنێن ھەیڤا دەھیێن ئەڤسالە ئەنجامدانە و تا رادەیەکێ زۆر باش کارتێن دەنگدانێ ژلایێ خەلکی ڤە ھاتنە وەرگرتن”.
بەرپرسێ ئۆفیسا دھۆکێ یا کۆمسیونا عیراقێ بۆ (باسنیوز) گۆتژی: “ل پارێزگەھا دھۆکێ ب رێژا ٩٢٪ خەلکی کارتێن خۆ یێن دەنگدانێ وەرگرتنە و بتنێ ٨٪ مایە”.
دیار ژی کر: “ل ڤان نێزیکان دێ ھژمارەکا دیتر یا کارتێن دەنگدانێ گەھنە بەردەستێ مە و دخازین خەلک بۆ وەرگرتنێ دگەل مە ھاریکار بن”.
تُتاح هذه الصورة أيضا في: کوردی