حكومه‌تا هه‌رێمێ ملياره‌ك و 250 مليون ديناران بۆ چارهسهركرنا كێشه‌يا كێمئاڤيێ ته‌رخان دكه‌ت
گاڤ نيوز
ئارى محه‌مه‌د رێڤه‌به‌رێ گشتى يێ رێڤه‌به‌ريا ئاڤ و سولينان ل وه‌زاره‌تا باژێرڤانيان و گه‌شتوگوزارێ يا هه‌رێما كوردستانێ ئه‌ڤرۆ رۆژا ئه‌ينيێ راگه‌هاند: حكومه‌تا هه‌رێما كوردستانێ مليار و 250 مليون دينارێن ئيراقى بۆ قووناغا دوێ يا چارهسهركرنا قه‌يرانا كێمئاڤيێ و هشكاتيێ ته‌رخان كرينه.
د به‌يانه‌كێ دا كو وه‌زاره‌تێ ژ ناڤبرى ڤه‌گوهاستيه هاتيه ژى: هه‌ر هه‌ڤوه‌لاتيه‌كێ ژ كێمبوونا ئاڤێ بناليت، دێ ئاڤ ب رێكا تانكه‌ران گه‌هيتێ.
خۆيا ژى كر: هژماره‌يه‌كا لژنه‌يێن هه‌ڤپشك و مه‌يدانى بۆ چارهسهركرنا پرسگرێكا كێمبوونا ئاڤێ هاتينه پێكئينان.
ناڤبرى داخواز ژى ژ هه‌ڤوه‌لاتيێن ژ كێمبوونا ئاڤێ دنالن كر كو سه‌ره‌دانا نزيكترين رێڤه‌به‌ريا باژێرڤانيێ و رێڤه‌به‌ريا ئاڤێ بكه‌ن دا كو ئاڤ ب رێكا تانكه‌ران بۆ وان بهێنه هنارتن.
تُتاح هذه الصورة أيضا في: کوردی