جڤاتا وهزیران: ل دهمهكێ نێزیك پانزین و نهفتا سپی دێ گههیته ههرێمێ
گاڤ نیوز
جڤاتا وهزیرێن ههرێما كوردستانێ راگههاند؛ ل دهمهكێ نێزیك دێ ئیراق پانزین و نهفتا سپی بۆ ههرێما كوردستانێ هنێریت.
جڤاتا وهزیران ئهڤرۆ ب سهرپهرشتیا مهسروور بارزانی سهرۆكوهزیرێ ههرێما كوردستانێ كۆمبوو، تێدا پرسێن بلندبوونا بهایێ پانزین، گرانبوونا نانی و ڤهكرنا دهرگههێن قوتابخانا ب رێكارێن ساخلهمیێ گۆتوبێژ كرن و ل گۆرهى راگههاندنهكا جڤاتا وهزیران، د كۆمبوونێ دا سهرهدانا سهرۆكێ فرهنسا ب گرنگ و دیرۆكی ناڤكر.
جڤاتا وهزیران پشتهڤانیا خۆ بۆ ئالیێن پهیوهندیدار بۆ چارهسهركرنا كێشهیا فرنێن نانی و گرانبوونا نان و سهموون و ئاسانكاریێن د وێ پرسێ دا نیشان دا و ههروهسا ههردو وهزارهتێن ڤهگوهاستن و گههاندنێ و ناڤخۆ راسپاردن بۆ وهرگرتنا رێكارێن پێدڤی بۆ قهدهغهكرنا مامهلهكرنێ ب سیمكارتێن مۆبایلا یێن بێ فۆرم و ههمی ئهو سیمكارتێن بێ فۆرم بهێنه راگرتن و كۆمپانیێن مۆبایلا ژى پابهندكرن ب وێ پرسێ، د ههمبهر دا كهسێن سهرپێچكار یێن ئامیرێن پهیوهندیكرنێ ب شێوهیهكێ خراب ب كاردئینن بهێنه سزادان.
ههڤدهم بهحس ل دابینكرنا نهفتا سپی بۆ وهلاتیان و چاركرنا كێشهیا بلندبوونا بهایێ پانزینێ بۆ ناڤ ههرێمێ و بزاڤێن وهزارهتا سامانێن سروشتی ل گهل وهزارهتا پهترۆلا ئیراقێ بۆ هنارتنا پانزینی ب ئۆكتانهكا بلند و نهفتا سپی كر كو بریاره ل دهمهكێ نێزیك بهێته بجهئینان.
تُتاح هذه الصورة أيضا في: کوردی