“تا دو رۆژێن دى دێ كێشه‌یا ده‌رچوویێن 12ى ئاماده‌یى هێته چاره‌كرن”
گاڤ نیوز
وه‌زیرێ خواندنا بلند و لێكۆلینێن زانستى رادگه‌هینیت، تا دو رۆژێن دى كێشه‌یا ده‌رچوویێن 12ێ ئاماده‌یى دێ هێته چاره‌كرن.
د كۆنگره‌یه‌كێ رۆژنامه‌ڤانى دا ل گه‌ل وه‌زیرێ خواندنا بلند و عه‌بدولسه‌لام دۆله‌مه‌رى، سه‌رۆكێ لژنه‌یا په‌روه‌ردێ و خواندنا بلند ل په‌ڕله‌مانێ كوردستانێ به‌رهه‌ڤبوون دۆله‌مه‌رى گۆت: كێشه‌یا وان 58 قوتابیێن كۆنمرێ وان 99 هاتیه چاره‌كرن و ل كولیژێن نۆشدارى هاتیه وه‌رگرتن و كێشه‌یێن قوتابیێن دى ژى ل دویف رێزبه‌ندیێ دێ هێنه چاره‌كرن و دێ جهـ بۆ وان هێته په‌یداكرن.
ژ ئالیێ خۆڤه د. ئارام محه‌مه‌د، وه‌زیرێ خواندنا بلند و لێكۆلینێن زانستى راگه‌هاند، تا دو رۆژێن دى كێشه‌یێن ده‌رچوویێن 12ى ئاماده‌یى دێ هێنه چاره‌كرن و گۆت: دو سالێن بۆرى رێژه‌یا وه‌رگرتنا قوتابیان هاتیه زێده‌كرن و دێ ئه‌ڤ ساله ژى ئه‌و هه‌موى بزاڤان بۆ چاره‌كرنا كێشه‌یێن قوتابیێن 12ى ئاماده‌یى كه‌ن.
تُتاح هذه الصورة أيضا في: کوردی