نێچیرڤان بارزانی: چو جاران دانیال میتیرانێ ژبیر ناكه‌ین
خانى نيوز:
نێچیرڤان بارزانی د دیداره‌كێ دا ل گه‌ل جیلبێر میتران كورێ دوستێ گه‌لێ كورد دانیال میتران دووپاتكر كو گه‌لێ كوردستانێ چو جاران خانم میتران ژبیرناكه‌ت كو وه‌ك ده‌یكه‌كا دلۆڤان پشته‌ڤانیا گه‌لێ كوردستانی كرییه و ل هه‌ر جهه‌كێ داخوازا هاریكاریێ بۆ ملله‌تێ كورد كرییه .
ئه‌ڤرۆ نیچیرڤان بارزانی سه‌رۆكێ هه‌رێما كوردستانێ ل هه‌ولێرێ پێشوازی ل جیلبێر میتران كورێ خانم میتران كر ژبۆ پشكداری د رێوره‌سمێن ب هه‌لكه‌فتا 10 سالیا ده‌یكا وی ل په‌رله‌مانێ كوردستانێ سه‌ره‌دانا هه‌رێما كوردستانێ كر.
د وێ دیدارێ دا نێچیرڤان بارزانی به‌حسی رۆل و دلسوزیا خانم میتران بۆ خه‌لكێ كوردستانێ و هاندانا سه‌ركرداتیا كوردستانێ ژبۆ ئێكرێزی و ته‌بایێ كر و به‌خشینا ناسناڤێ ده‌یكا كوردان ب خانم میتران ژ هه‌ژی زانی” كو ب راستی ده‌یكه‌ك بوو بۆ گه‌لێ كوردستانێ و هه‌روه‌سا سوپاس و پێزانین بۆ پشته‌ڤانیا به‌رده‌وام یا فره‌نسا بۆ گه‌لێ كوردستانێ دووپاتكر.
ژلایێ خوه‌ڤه ژیلبێر میتران خۆشحالیا خوه ب سه‌ره‌دانا هه‌رێما كوردستانێ و پشكداریكرن د رێوره‌سمێن ب هه‌لكه‌فتا 10 سالیا وه‌غه‌را دووماهیا ده‌یكا خو ه‌كر و سوپاسی و پێزانین بۆ گه‌لێ كوردستانێ دووپاتكرن ژبه‌ر وه‌فاداری و دلسوزی بۆ خانم میتران و بزاڤ و كار ژبو هاریكاریكرن و پشته‌ڤانیا گه‌لێ كوردستانێ و هه‌روه‌سا خوشحالیا خوه ب پێشكه‌فتنێن هه‌رێما كوردستانێ یین به‌رچاڤ دیاركر.
د ڤێ دیدارێ دا بالیوزێ فره‌نسا ل عیراقێ و كونسلێ گشتی یێ فره‌نسا ل هه‌ولێر و به‌رپرسێ رێكخراوا فرانس لیبرتێ و سه‌رۆكێ ئه‌نستتیۆتا كوردی ل پاریس و نوونه‌رێ حكومه‌تا هه‌رێما كوردستانێ ل فره‌نسا ئاماده ببوون.
تُتاح هذه الصورة أيضا في: کوردی