نێچیرڤان بارزانی: توندوتیژی و کوشتنا ژنان ناهێتە قەبیلکرن
گاڤ نیوز
ب هەلکەفتا رۆژا جیهانی یا ژنان، سەرۆکێ هەرێما کوردستانێ پیرۆزباهیا هەمی ژنێن کوردستانێ ل هەر جهەکێ جیهانێ کر.
نێچیرڤان بارزانی د پەیاما خۆ دا نڤیسیە،” د ڤێ یادێ دا هەمی پشتەڤانیا خۆ بۆ ژن و کچێن کوردستانێ دوپات دکەم و وەکی هەردەم ب هەمی شیان ڤە بەرگریێ ژ ماف و ئازادیان وان دکەین”.
هەروەسا نڤیسیە،”ب دلگرانی ڤە ئامارێن توندوتیژی و کوشتن و ئازاردانا ژنان و بنپێکرنا مافێن وان کاریگەریەکا نەرێنی کریە سەر رەوشا جڤاکی و ناڤ و پێگەهێ هەرێما کوردستانێ، دوپات دکەین کو ب چ رەنگان ناهێتە قەبیلکرن و پێدڤیە ب تەمامی دوماهی بهێت”.
سەرۆکێ هەرێما کوردستانێ دوپات ژی کر کریە کو رێگریکرن ل کوشتنان ژنان ب هەمی بەهانەیەکێ ئەرکێ هەڤپشک یێ هەرسێ سەرۆکاتیێن هەرێمێ، ئالیێن پەیوەندیدار یێن حکومەتێ، رێکخراو، ماموستایێن ئاینی، میدیا و کۆمەلگەهێ یە ب گشتی.
نێچیرڤان بارزانی داخواز ژی کریە کو ب هەماهەنگی کار بۆ نەهێلانا توندوتیژیا دژی ژنێ و یەکسانیا جڤاکی بهێتە کرن.
تُتاح هذه الصورة أيضا في: کوردی