نێچيرڤان بارزانى ب ههلكهفتا جهژنا نهورۆزێ پهیامهك بهلاڤكر
خانى نيوز:
جهژنا نهورۆزێ و سهر سالا نوو یا كوردى، زۆر ب گهرمى و ژ دل ل خێزانێن سهربلندێن شههيدان، ل گهلێ كورد و ههموو گهل و پێكهات و پێشمهرگێن قارهمانێن كوردستانێ پيرۆز دكهم” هيڤیدارم ئهم ههموو پێكڤه ل گهل خۆشتڤی و عهزيزێن خۆ جهژنهكا خۆش د ئارامى و سهقامگيريێ دا ببهینه سهری.
داخوازێ ژ وهلاتیێن عهزیز دكهم” ل دهمێ دهردكهڤن و ل گهشت و سهيرانێن دناڤ سروشتێ جوانێ كوردستانێ دا، پابهندى راگرتنا پاقژیێ و پاراستنا ژينگهها دلرهڤین و بهارا وهلاتی بن و ئاگههدارى خۆ بن و لبهر چاڤ وهرگرتنا خۆپارێزیێ و ڕێنمايێن ساخلهمیێ بن.
نهورۆز كو جهژنا ئازادیێ و گيانێ بهرهنگاربوونێ و باوهری ب خۆ بوونێ یه، سالا نووبوونێ یه، ل سهر ئاستێ تاك و كهسى، بلا پشتهڤانێن نووبوونێ بير و ڕامانێن مه ههموویان بیت و بكهينه دهستپێكهكا نوو بۆ ژيان و پهيوهنديێن مه، بۆ ئاشتییێ و ئومێد و گهشبينى و بۆ چاوانییا مامهلهكرنا مه ل گهل پێشهات و ڕوودانێن دهوروبهرێن مه.
ل سهر ئاستێ گشتی ژی، ههموو دهمان پتر ئهركێ هێز و لايهنێن سياسی و پێكهاتێن كوردستانێ ب گشتى، ئێكرێزی و تهڤا بن و ب ههڤپشكی پێكڤه كار بكهن بۆ هندێ ئهم ههموو ب ئێكگرتی بهرهنگاری دژواری و تهحهديیان بین و سهركهفتییانه دهرباز بكهین.
پاراستنا ماف و دهستكهفتان و قهوارێ دهستوورى و سياسى و فيدرالی یێ ههرێما كوردستانێ، وهك چاوا بهرههمێ تێكۆشانا ههموو كوردستانييانه، وهسا بهرپرسيارهتییا ههڤپشك یا مه ههموویانه بۆ هندێ پێكڤه بهرهف داهاتییهكێ باشتر و رووهنتر پێنگاڤان بهاڤێژین و سهربكهڤين.
د ڤێ ههلكهفتێ دا دووپات دكهين كو ههرێما كوردستانێ وهك ههردهم یا ئامادهيه ههموو كێشه و ناكۆكييان ل گهل حكومهتا فيدرالى یا عيراقێ ب دانوستاندنان و ل سهر بنهمایێ دهستووری چارهسهر بكهت” وهك ههردهم دێ فاكتهرێ چارهسهریێ بين بۆ كێشێن عيراقێ و ژ پێخهمهت ئارامى و سهقامگيريیا وهلاتی، دێ هاریكار و ههڤكار بين.
ههر ل ڤێرێ، ل كوردستانا لێبورینێ، ئێك قهبوولكرنێ و پێكڤه ژيانێ، رێز و سلاڤێن نهورۆزێ و بهارێ، بۆ گهلێن عيراقێ و ڤێ دهڤهرێ، جيهانێ و دۆستێن كوردستانێ ل ههر جههكێ بن، ههروهسا بۆ UN دهنێرين كو جهژنا نهورۆزێ كرییه رۆژهكا نێڤدهولهتى و ل گهل ههموویان ژ پێخهمهتی ئارامى و سهقامگیریێ و ئاشتیێ دا كار دكهين.
نهورۆز ل ههموویان پيرۆز بیت، ههموو سال ب خۆشى.
نێچيرڤان بارزانى
سهرۆكێ ههرێما كوردستانێ
20 ێ ئادارا 2022 ێ
تُتاح هذه الصورة أيضا في: کوردی