بلاسخارت: کێمبوونا ئاڤێ دێ ئاوارەبوون وهەژاریی دناڤ خەلکی دا پهیداكهت
خانى نيوز:
نوینەرا نەتەوێن ئێکگرتی(UN) ل ئیراقێ جنین بلاسخارت دبهیانامهكێدا راگەهاند، کێم بوونا باران بارینێ مەترسیا کێمبوونا ئاڤێ ل سەر عیراقێ دروستکریە، هەر وەسا بەردانا ئاڤێ ژ لایێ وەلاتێن هەڤسویێن عیراقێ ڤە هاتیە کێم کرن و ئەڤ چەندە بویە جهێ مەترسیێ ل سەر ئیراقێ، کێم بوونا ئاڤێ ل عیراقێ دێ کاریگەریا خوە ل سەر گەلەک سکتەرێن بەرهەمئینانێ و ژیانێ کەت، ئەگەر هەنە کێمبوونا ئاڤێ ببیتە ئەگەرێ ئاوارەبوون و هەژاریی دناڤ خەلکی دا، لەورا گرنگە عیراق دگەل هەڤسویێن خوە بگەهیتە رێککەفتنەکێ بو چارەسەرکرنا پرسا ئاڤێ.
پلاسخارت دوپاتکر، UN دێ هەمی بزاڤان کەت بۆ ڤەدیتنا چارەسەریان ل سەر پرسا کێم بوونا ئاڤێ ل عیراقێ، هەر وەسا ناڤهاتی ئاماژە کریە UN بەرهەڤە بۆ هاریکاریکرنا عیراقێ ل سەر ڤەدیتنا رێکێن چارەسەریێ بۆ نەهێلانا سەرهلدانا قەیرانا ئاڤێ.
هەر دڤێ مژارێدا دەستەیا ژینگەهێ یا حکومەتا هەرێما کوردستانێ بههلكهفتا رۆژا جیهانی یا ئاڤێ دا كو دكهڤیته 22 ئادارێ راگەهاندیە كو پێدڤیە رێکخراوێن ژینگەهێ بەردەوامبن د هشیارکرنا خەلکی دا، دا ئاڤ ب شێوەکێ باشتر بۆ ژیانا رۆژانە بهێتە بکار ئینان، هەر وەسا دایه خویاكرن كو پرسا ئاسایشا ئاڤێ د نوکە و داهاتی دا پشکەکە ژ ئاسایشا نشتیمانی.
دەستەیا ژینگەها ههرێما كوردستانێ دوپاتکریە، پێدڤیە دڤێ هەلکەفتێ دا، ئاڤێ بکەینە ژێدەرێ ئاشتییێ نە یێ شەری، ئەڤەژی ب رێیا دانوستاندنێن بەردەوام دناڤبەرا هەرێمێ و وەلاتێن دەڤەرێ دا و ڤهدیتنا رێکێن چارەسەریا ئاشتیانە و عادیلانە بۆ پرسێ.
تُتاح هذه الصورة أيضا في: کوردی