سێ سال ب سهر پێكئینانا كابینا نههێ یا حكومهتا ههرێما كوردستانێ دا دهربازبوون
خانى نيوز:
ئهڤرۆ رۆژا ئێكشهمبى 10ى تهمووزا 2022ێ سێ سال ب سهر پێكئینانا كابینا نههێ یا حكومهتا ههرێما كوردستانێ دا دهربازبوون. د گوتارا پێكئینانا حكومهتێ دا مهسرور بارزانى، سهرۆكێ حكومهتا ههرێما كوردستانێ گۆت: ئهم دێ ههموو كاران د بهرژهوهندییا خهلكى دا كهین و ئارمانجا مه بتنێ خزمهتكرنه.
د سێ سالێن تهمهنێ كابینا نههێ دا زێدهترى 884 پرۆژان هاتینه بجهئینان و خهرجییێ وان 840 ملیار دینار بوویه.
پرۆژێن كابینا نههێ یا حكومهتا ههرێما كوردستانێ:
زۆرترین پرۆژه د كابینا نههێ دا پرۆژێن رێگهوبان بوون ب كۆژمێ 392 ملیار دیناران.
پرۆژێن باژێرڤانى، ب كۆژمێ 282 ملیار دیناران.
پرۆژێن تایبهت ب كهرتێ كارهبێ، ب كۆژمێ 25 ملیار دیناران.
ب مهرهما هاریكاریكرنا جوتیاران ژى چهندین سایلۆ ل ههرێمێ هاتینه درۆستكرن ب كۆژمێ 37 ملیار دیناران.
پرۆژێن تایبهت ب كهرتێ پهروهردێ، ب كۆژمێ 26 ملیار دیناران.
پرۆژێن ئاكنجیبوونێ، ب كۆژمێ 25 ملیار دیناران.
پرۆژێن بهنداڤان، ب كۆژمێ 22 ملیار دیناران.
ئهڤ پرۆژه ل گورهى پێدڤیاتییا پارێزگههان هاتینه بجهئینان، ل پارێزگهها ههولێرێ 299 پرۆژه، ل پارێزگهها سلێمانیێ 277 پرۆژه، ل پارێزگهها دهۆكێ 233 پرۆژه و ل حهلهبجه 69 پرۆژه و 6 پرۆژێن گشتى ژى هاتینه بجهئینان.
سهرهراى بجهئینانا پرۆژان و هاریكاریكرنا جوتیاران و دابینكرنا 800 ملیۆن لیترێن گازوایلێ بۆ بهرههمئینانا كارهبێ، ل سالێن 2021 – 2022ێ حكومهتا ههرێمێ 570 ملیۆن دۆلار قهرز داینه.
تُتاح هذه الصورة أيضا في: کوردی