وهزیرێ دهرڤه یێ ئیراقێ ئارمانجا سهرهدانا خۆ بۆ تههرانێ دیار کر
گاڤ نیوز:
وهزیرێ دهرڤه یێ ئیراقێ ئهڤرۆ چارشهمبێ ناڤهڕۆكا سهرهدانا خۆ بۆ ئیرانێ راگههاند و دیاركر، ئیبراهیم رهئیسى گۆتیه وى پێشكهفتن د پهیوهندیێن ئیران و سعوودیێ دا هاتینه پێش.
ئهحمهد سهحاف، پهیڤدارێ وهزارهتا دهرڤه یا ئیراقێ راگههاند، فوئاد حسێن، وهزیرێ دهرڤه ب رێكا تێلهفۆنێ ل گهل ئهمیر فهیسهل بن فهرحان، وهزیرێ دهرڤه یێ سعوودیێ ئاخفتیه و ئارمانجا سهرهدانا خۆ بۆ ئیرانێ و رهنگڤهدانا وێ ل سهر پێشخستنا پهیوهندیێن ناڤبهرا ههر دو وهلاتان بهحسكرینه.
بن فهرحان پشتهڤانیا سعوودیێ بۆ ئیراقێ دیاركریه و ئاشكراكر، ئهو ل گهل وێ یهكێ نه سهقامگێرى و پاراستنا ئاسایشێ ل ئیراقێ ههبیت.
بهریا دو رۆژان، وهزیرێ دهرڤه یێ ئیراقێ سهرهدانا ئیرانێ كریه و ل گهل سهرۆككۆمارێ ئیرانێ، ئیبراهیم رهئیسى كۆمبوویه، رهئیسى راگههاندیه، پێشكهفتنا پهیوهندیێن ئیران و سعوودیێ بۆ بهرژهوهندیا ئاسایشا ناوچێ و پێنج گهڕێن دانوستاندنێن دناڤبهرا وان دا ب ناڤبهینكاریا ئیراقێ مفایێ خۆ ههبوویه.
ب ئهگهرا ئالۆزیێن سیاسى، گهڕا شهشێ یا دانوستاندنێن ناڤبهرا ریاز و تههران راوهستیاینه كو دهێته چاڤهڕێكرن ل دهمهكێ دى بهێنه كرن.
س.س
تُتاح هذه الصورة أيضا في: کوردی