ڕۆهنکرنەک ژ حکومەتا هەرێما کوردستانێ
باسنيوز:
گوتەبێژی حکوومەتی هەرێمی کوردستان روونکردنەوەیەکی لەبارەی هەواڵێکی چەند ماڵپەڕێکی ئێرانی بڵاوکردەوە.
لە ڕوونکردنەوەکەی گوتەبێژی حکوومەتی هەرێمی کوردستان هاتووە: “چەند ماڵپەڕێکی هەواڵی ئێران، هەواڵێکیان لەسەر زاری جۆن بوڵتن، کە ئێستا هیچ پۆستێکی حکوومی و فەرمی لە ویلایەتە یەکگرتووەکانی ئەمریکا نییە بڵاو کردووەتەوە کە گوایە چەک لە ڕێگای هەرێمی کوردستانەوە بە قاچاخ هەناردەی کۆماری ئیسلامی ئێران دەکرێت”.
ئەوەش خراوەتە روو: “حکوومەتی هەرێمی کوردستان سەرلەبەری ئەم هەواڵە بێ بنەمایە ڕەت دەکاتەوە کە چەندین جارە دووبارە دەکرێتەوە”.
ئاماژە بەوەش دراوە: “حکوومەتی هەرێمی کوردستان بە هیچ شێوەیەک ڕێگەی نەداوە و ڕێگەش نادات ئاسایشی وڵاتانی دراوسێ لە ڕێگەی هەرێمەوە تێک بدرێت و ئەم جۆرە هەواڵانە دوورن لە ڕاستیەوە”.
تُتاح هذه الصورة أيضا في: کوردی