تانوکە پتری 31 ملیۆن لترێن گازا سپی ل سەر خەلکی هاتینە بەلاڤکرن
گاڤ
وەزارەتا سامانێن سروشتی ئامارا بەلاڤکرنا گازا سپی ل سەر وەلاتیێن هەرێما کوردستانێ و تایبەت دەڤەرێن چیایی بەلاڤ کر.
د بەیانەکا وەزارەتێ دا هاتیە، تانوکە 31 ملیۆن و 307 هزار و 800 لترێن گازا سپی هاتینە بەلاڤکرن و 156 هزار و 539 خێزان ژێ مفادار بووینە.
هەروەسا هاتیە، ل سنۆرێ پارێزگەها دهۆکێ و ئیدارا سەربخۆ یا زاخۆ 10 ملیۆن و 639 هزار و 600 لترێن گازا سپی ب سەر 53 هزار و 198 خێزانان هاتینە بەلاڤکرن.
ل سنۆرێ پارێزگەها هەولێرێ ژی 8 ملیۆن و 454 هزار و 400 لترێن گازا سپی ب سەر 42 هزار و 272 خێزانان هاتینە بەلاڤکرن.
هەروەسا ل سنۆرێ پارێزگەها سلێمانی، هەلەبچە، هەردو ئیدارەیێن گەرمیان و راپەرین 12 ملیۆن و 212 هزار و 800 لترێن گازا سپی ب سەر 61 هزار و 69 خێزانان هاتینە بەلاڤکرن.
تُتاح هذه الصورة أيضا في: کوردی