سەرۆك بارزانی: دڤێت دەستكەفتا سەرهلدانێ بپارێزین
خانى نيوز:
سەرۆك مەسعود بارزانی ئەڤرۆ د پەیامەكێدا ڕاگەهاند، ب سالڤەگەرا 32 سالیا سەرهلدانا مەزن یا گەلێ كوردستانێ پیرۆزباهییێ ل خێزانێن سەربلندێن شەهیدان و پێشمەرگەیێن قاهرەمان و هەمی خەباتگێڕ و ئازادیخواز و نیشتیمانپەروەران و وەلاتییێن كوردستانێ دكەم.
سەرۆك بارزانی د پەیاما خۆ دا گۆت،” سەرهلدان ب ئیرادا ئازادیخوازا گەلێ كوردستانێ، قاهرەمانییا پێشمەرگەی و پلان و ئێكڕێزییا ئالییێن دناڤ بزاڤا ڕزگاریخوازا كوردستانێ سەركەفتن ب دەستڤەئینا، سەرهلدانێ ئەو ڕاستییە بۆ دۆست و دوژمنان سەلماند كو ستەمكاری و چاڤترساندن هەمی دەما نەشێن ئیرادا ئازادیخواز د ناخێ گەلێ كوردستانێدا بێدەنگ بكەت. “
مەسعود بارزانی دیاركر، سەرهلدانێ بها و ئارمانجەكا بهێزهەلگرت، دا كو گەلێ كوردستانێ ئازاد بیت و ژیانەكا سەربلند ل وەلاتێ خۆ هەبیت و هزار سلاڤ بۆ شەهیدێن سەرهلدانێ و هەمی شەهیدێن رێكا ڕزگاریا كوردستانێ بن.
سەرۆك بارزانی د سالڤەگەرا سەرهلدانێدا دووپات ل هندێ كر، حكومەتا هەرێما كوردستانێ ئێكە ژ بەرهەمێن سەرهلدانا گەلێ كوردستانێ، دەستكەفتەكا دیرۆكی و گرانبها یا گەلێ كوردستانێ یە و دڤێت ئەڤ دەستكەفتە بهێتە پاراستن و بهێزكرن، نابیت ب چ شێوەكی كار بۆ لاوازكرن و شاشكرنا بها و ئارمانجان بهێتەكرن یێن كو گەلێ كوردستانێ ل پێناڤ سەرهلدانێ ب دەستڤەئیناین.
تُتاح هذه الصورة أيضا في: کوردی