سهرۆك بارزانى: پێدڤیه حكومهتا ئیراقێ كوردێن فهیلى قهرهبۆ بكهت
گاڤ
سهرۆك بارزانى پهیامهك د چل و سێیهمین سالڤەگەرا جینۆسایدكرنا كوردێن فهیلى دا بهلاڤ كر و راگههاند: پێدڤیه حكومهتا ئیراقێ قهرهبۆیا كوردێن فهیلى بكهت.
سهرۆك بارزانى، ئهڤرۆ سێشهمبی پهیامهك بۆ یادا چل و سێیێ یا جینۆسایدكرنا كوردێن فهیلى بهلاڤ كر و راگههاند: بێسهروشوینكرنا ب هزاران گهنجێن فهیلى و دهرخستن و ژێستاندنا ناسنامهیێ ژ سهدان هزار كهسان ژ خویشك و برایێن كوردێن فهیلى ژ ئالیێ رژێما پێشتر یا ئیراقێ ڤە، پشكهك بوو ژ زنجیره تاوانێن رێكخستى یێن حكومهتێن ئێك ل دویڤ ئێك یێن ئیراقێ بۆ حهلاندن و ژناڤبرنا گهلێ كوردستانێ د چەرخێ بیستێ دا.
ههروهسا گۆت: خویشك و برایێن كوردێن فهیلى د ناڤ دهولهتا ئیراقێ دا گهلهك ئازار و نەخۆشی و دهربدهرى دیتینه و تاوانا وان بتنێ کوردبوونا وان بوو، لەورا پێدڤیه حكومهتا ئیراقێ ئهركێ خۆ بۆ قهرهبۆكرن و چارهكرنا كێشهیێن وان و نههێلانا شوینوارێن جینۆسایدكرنا كوردێن فهیلى ب زویترن دهم بجهـ بینیت.
ههر د وێ یادێ دا سهرۆك بارزانى سلاڤ بۆ گیانێ پاقژێ شههیدێن كوردێن فهیلى هنارتن و رۆل و دلسۆزیا وان بۆ دۆزا نهتهوه و بزاڤا رزگاریخوازا كورد ب شانازى ناڤكر.
تُتاح هذه الصورة أيضا في: کوردی